日本牛乳的3個秘密🐮㊙️3.7原來係呢個意思…

日本牛奶出咗名好飲🤓但你又知唔知當中嘅細節呢～今日嚟同大家介紹下啦！ 1. 字面意思 我哋睇包裝會發現有時寫住「牛乳」、「乳飲料」嘅字樣，原來各有分別，代表住牛乳比例！😝 「牛乳」：無添加100%牛奶，且脂肪含量達3%以上 「低脂肪牛乳/無脂肪牛乳」：脂肪含量1.5%或以下 「成分調整牛乳」：水分、礦物質等成分經過調整 「加工乳」：加入咗奶粉、奶油等「奶」成分改變牛乳濃度嘅牛乳 「乳飲料」：包含乳製品以外成份嘅飲料，例如士多啤梨牛乳、牛乳咖啡 2 . 紙盒上的缺口 有發現有啲牛奶包裝角落有個半圓形小缺口嗎？ 你可能會好奇，又諗唔到佢有咩用🤨 日本的農林水產省做過調查，發現紙盒包裝加上各種畫面設計對視障人士並唔友善😰令佢哋難以分辨牛奶種類，購買想要嘅牛奶，於是聯同企業合作，喺500mL以上嘅純牛乳加上呢個小缺口，方便佢哋分辨純牛乳同其他牛乳啦～😚不過呢個都唔係強制規定嚟，所以無缺口都唔代表佢唔係哦～😯 3. 3.6/3.7牛乳意思 無論係牛乳飲品定甜品，都總會見到標榜用「特選3.X牛乳」嘅字樣，到底呢個數字有咩意思呢？🤔 其實呢個數字係脂肪比例嘅意思，一般全脂奶乳脂佔整體牛奶成分3.25%或以上，3.6牛乳即乳脂佔整體牛奶成分達3.6%，3.7牛乳即3.7%，如此類推😬所以數字越高，味道就更濃郁啦！！🤤當然，其實差1%，理應唔會差太遠，就唔需要太執著3.6同3.7之間嘅分別啦～🤣🤣 想睇更多日本資訊，記住Follow我😍 圖片來源：meiji.com, rakuten.com.tw #日本牛乳#日本牛奶#攻略#日本冷知識#日本旅行攻略